Trip 'Taith' i Lundain 2025

Taith Llundain - Chwefror 2025

Waw!  Am brofiad oedd ein ail daith - cam arall ar ein antur anhygoel wrth agor drysau'r byd.

Llundain 2025 - profiad anhygoel fydd yn aros yn ein cof am byth!

Teithio ar y trên o Fangor oedd y profiad cyntaf tro yma.  Roedd hyn yn brofiad newydd i'r rhan fwyaf o'r disgyblion a chafodd bawb amser braf yn gweld y wlad yn pasio wrth chwarae gemau a chael hwyl hefo ffrindiau.

Mynd i Madame Tussauds a gweld yr holl bobl enwog oedd hwyl cyntaf y daith i Llundain - cyn mynd i'r gwesty am y noson gyntaf.

Bu pawb yn ddewr iawn ar ôl noson o gŵsg wrth fynd i fyny yn uchel, uchel iawn ar y London Eye!  Profiad gwych yn gweld Prifddinas mor fawr wrth ein traed.

Roedd y daith ar y Thames yn agoriad llygaid wrth weld yr adeiladau enfawr!  Yna daeth uchafbwynt y daith i nifer iawn o'r disgyblion - mynd i weld Sioe 'The Lion King' yn y West End!  Roedd llawer yn eu dagrau (yn cynnwys y staff!) "Y Sioe ora erioed" medda un disgybl.

Noson arall o hwyl a sbri, cyn mynd i ymweld â Sea Life London, cinio bach sydyn yng nghanol y brifddinas cyn mynd ôl am adra yn dilyn antur arall bythgofiadwy!

Allwn ni ddim diolch ddigon i gyllid 'Taith' am sicrhau fod hyn yn bosib.  Antur sydd yn datblygu hyder y disgyblion wrth agor drysau'r byd!  Lle awni nesa tybed?

(llunia a fidio i ddilyn)