Grwp Partneriaeth Rhieni (3)

Roedd hi’n braf iawn gweld cymaint o rieni’n mynychu cyfarfod y Grŵp Partneriaeth Rhieni heddiw.  Mae’r grŵp yn cyfarfod ar ddydd Iau cyntaf pob mis.

Yn y cyfarfod heddiw, trafodwyd y canlynol:

• Cyfathrebu rhwng yr ysgol a’r cartref ynghylch diwrnod y disgyblion yn yr ysgol. Mae’r ysgol yn parhau i weithio’n agos gyda rhieni i gyfathrebu’n effeithiol drwy ap SeeSaw.

• Y pennaeth dros dro, Deiniol Harries, yn rhannu diweddariadau am weithgareddau diweddar yn yr ysgol, gan gynnwys paratoi ar gyfer arolygwyr Estyn a gwaith allanol (fel y fflat annibynnol ar gyfer disgyblion hŷn).

• Leusa a Hannah, arbenigwyr ymddygiad yr ysgol, yn egluro eu rôl a sut maen nhw’n cefnogi staff a disgyblion gyda chynlluniau ymddygiad, gan gynnwys rhaglenni toiledu.

• Y cyfarfod nesaf: Bydd Rachel Hudson, nyrs arbenigol o Derwen, yn ymuno i drafod ‘materion toiledu’.

• Rhannwyd holiadur i rieni drwy SeeSaw – ond yn anffodus nid oedd llawer wedi ymateb.

• Digwyddiad Gwyliau’r Pasg: Mae’r Grŵp Partneriaid Rhieni yn gobeithio trefnu digwyddiad yn yr ysgol, gyda mwy o wybodaeth i ddilyn yn nes at y dyddiad.